Na parlamentario Clifford Heyliger, E bolo di veneno bo no tabata tin necesidad di come paso e bestuurlijk akkoord 2024 no a mara niun hende
Parlamentario Dennrich Kelly a ataca sindicatonan hopi mahos mes
Na Parlamentario Stephanie Sevinger : “si bo ta busca sinberguensa buske den bo propio cas y e fiesta di Quinceañera di nos yiunan nos mes a page”
Durante e reunion di parlamento e siman aki, riba e Ley di Reino HOFA, Parlamentario Heyliger a bin cu un storia di un bolo cu veneno den dje. Segun Wever Croes e storia aki lo a wordo skirbi pe lesa. E storia tabata di un bolo yena cu veneno y cu lo a hinke den forno of fierno. Pero kiko tur su bolo lo tabata significa no tabata mucho duidelijk.
Un cos Sra Wever Coes enfatisa cu su persona no a mara Aruba na niun bestuurlijk akkoord. E bestuurlijk akkoord cu Sra Wever Croes a firma no ta bindend. E la bisa cu nan a trece professornan cu tambe a declara cu e bestuurlijk akkoord di 2024 no tabata bindend. E bestuurlijk akkoord tabata unicamente e intencion di e partidonan pa sigui negosha. Su conclusion na Heyliger e bestuurlijk akkoord no tabata bindend y no tin e necesidad di come e bolo cu veneno.
Su reaccion riba parlamentario Denrich Kelly tabata uno hopi cortico. “Denrich un parlamentario jong y mi e no a verwacht esaki di dje, e la ataca e sindicatonan hopi mahos.”
Sevinger a reclama Evelyn Wever Croes cu na 2014 e no a bay Hulanda cu Mike Eman, Segun Evelyn Wever Croes, e ta kere cu Stephanie ta referi na e welga di hamber. Evelyn a reaciona bisando cu Stephanie no lo conoce e historia di su partido bon. Na 2014 ta Evelyn mes a bisa Mike Eman pa e stop di haci cos di mucha chikito ( e welga di hamber), segun Evelyn, e mes a bisa Mike “para den bo sapato manera un homber, bisti bo bachi y bay Hulanda bay negosha.” E la sigui bisa cu ” Eman mes no kier a bay ta con Evelyn por bay siendo e tabata den oposicion y ta Mike Eman tabata den gobierno.
Evelyn a sigui bisa cu Stefanie mester sa historia di su partido un poco mas miho. Es mas Stephanie lo a yama tur e parlamentarionan di MEP pa sinberguensa, aki si Señora Wever Croes mesora a pare y a bise “bo no mester busca mucho leu, si bo ta busca sinberguensa buske den bo propio cas”. E la sigui bisa cu no bin yama ni ami y ni mi coleganan pa sinberguensa, nan ta hendenan cu a maneha e pais aki y a traha como parlamentario, naar eer en geweten”. “Nan a traha na e miho forma pa e pais aki y sin enrikese nan mes”, Evelyn a termina bisando ” y e fiesta di quinceañera di nos yiunan nos mes a page.”
Bron: Facebook Page di Evelyn Wever Croes