Amsterdam, Hulanda:
Un noticiero specialisa den noticianan di aerolineanan, a publica cu vocero di KLM a informa cu KLM lo mantene su buelonan pa e islanan Caribense manera Corsou y Aruba, cu ta forma parti di Reino Hulandes y ta situa cerca di Venezuela.
Sin impacto
E vocero a confirma cu e accion di Presidente Donald Trump, kende a anuncia ciere di espacio aereo di Venezuela no tin ningun impacto riba e buelonan di e compania pa cu e islanan aki.
Cambio di ruta caba
KLM a stop di bula door di e espacio aereo venezolano pa mas di un siman caba, loke ta nifica cu buelonan pa otro destinacionnan de Sur America por rekeri unicamente un desviacion chikito.
Alerta Anterior
Anteriormente, e autoridad di aviacion mericano a alertá aerolíneanan grandi tocante un “situacion potencialmente peligroso” ora ta bula riba Venezuela, debí na un “situacion di seguridad cu a bai atras y actividad militar ta aumentando den y rònd di e pais.”