(Reuters) – Un vuelo di United Airlines rumbo pa Tokyo a wordo obliga pa regresa na Aeropuerto Internacional Dulles na nort di Virginia diasabra atardi, despues di a experencia un fayo den motor durante salida, segun e Administracion Federal di Aviacion.
Un vocero di United a bisa cu e vuelo a aterisa poco despues di a lanta debi na perdida di forsa den un motor. No tabatin ningun herido reporta entre e 275 pasaheronan y 15 miembro di tripulacion abordo, e vocero bisa.
FAA a bisa cu e lo investiga e incidente riba Vuelo 803 di United, cual a involucra un avion Boeing 777-200.
Un pida di e tapa di motor di e avion a separa y a pega candela, locual a causa un candela di mondi na suela na e aeropuerto, Secretario di Transporte Sean Duffy a publica riba X.
E Autoridad di Aeropuertonan Metropolitano di Washington a bisa cu e candela a wordo paga.
Servicionan di emergencia a wordo manda pa melding di huma cerca di un pista, y trafico aereo na e aeropuerto a wordo interumpi brevemente mientras ekiponan a bay evalua e situacion.”
United tawata programando pa e vuelo reanuda mas laat diasabra riba un otro avion, e vocero a bisa.