Autoridadnan di FDA MERCA a amplia aprobacion di un remedi hopi debati destina pa aumenta libido femenino, despues di a afirma cu e pildora, cu ta wordo tuma un biaha pa dia, awo por wordo tuma door di hende muhe riba 65 aña.
E anuncio di e Administracion di Cuminda y Remedi (FDA) ta amplia e uso di e remedi pa hende muhe di edad mas halto cu a pasa door di menopausa. E pildora, yama Addyi, a wordo aproba pa prome biaha 10 aña pasa pa hende muhe pre-menopauze cu ta reporta stress emocional debi na disminucion di deseo sexual.
FDA a rechasa Addyi dos biaha prome cu su aprobacion na 2015, alegando su eficacia modesto y su efectonan secundario preocupante. E aprobacion a tuma luga despues di un campaña di presion di e compania y su simpatisantenan, “Even the Score”, cual a presenta e falta di opcionnan pa libido femenino como un problema di derecho di hende muhe.