Secretario di Salubridad di Estados Unidos, Robert F. Kennedy Jr., a presenta guianan di dieta nobo cu ta urgi Americanonan pa come mas proteina mientras nan ta limita cuminda altamente procesa y sucu agrega[added sugar].
E guianan, cu ta wordo publica cada cinco aña pa e departamento di agricultura y e Departamento di Salubridad y Servicionan Humano, tambe ta sugeri tres porcion di producto di lechi cu full e vet pa dia y ta haci un versoepeling riba e restriccionnan di bebida alcoholico.
E guianan aki ta forma e fundeshi pa programanan federal di nutricion, incluyendo programanan di cuminda na scol, y e guianan nobo a ricibi opinionnan varia for di expertonan.
“Mi mensahe ta cla: come cuminda real,” Kennedy a bisa durante un conferencia di prensa na Cas Blanco diaranson.
En general, e recomendacionnan ta pidi pa come proteina, productonan di lechi cu full e vet, grano integral rico den fibra, y fruta cu berdura, mientras mester evita sucu y cuminda altamente procesa, incluyendo snacknan pre-empaqueta manera chips, cookies y mangel.
E enfasis riba productonan di lechi cu full e vet ta marca un cambio for di guianan anterior cu tabata sugeri lechi cu poco vet of sin vet pa yuda Mericano nan limita consumo di vet satura.
E ta recomenda pa cushina cu azeta manera azeta di olijfi, pero ta sugeri vet di carni(beef tallow) como un opcion alternativo — un favorito di Kennedy cu tin hopi vet satura.
E guianan nobo tambe a cambia e limitenan diario di alcohol di hopi tempo atras, cu antes tabata no mas cu un drinks pa dia pa muhe y dos pa homber. En bes di esey, awor ta conseha Mericano nan pa bebe ‘menos alcohol pa un miho salud general’ sin limitenan specifico.
E guianan ta recomenda pa algun hende evita alcohol completamente, incluyendo muhenan na estado, personanan cu ta recuperando di un problema di uzo di alcohol of cu tin dificultad pa controla nan consumo, y esnan cu ta tuma remedi caminda consumo di alcohol por tin efectonan negativo.
E cambionan general a wordo bon bini pa algun experto medico, incluyendo e American Medical Association (AMA), cual a critica varios di e pasonan di Kennedy desde cu el a asumi cargo. E presidente di e asociacion a aplaudi e guia pa limita cumindanan altamente procesa, bebidanan dushi cu sucu y exceso di sodio cu ta ‘alimenta malesa di curason, diabetes, obesidad y otro malesanan cronico’.
E guianan ta afirma cu cuminda ta medicina y nan ta ofrece direccion cla cu pashentnan y
doctornan por uza pa mehora salud,”‘ Bobby
Mukkamala a bisa den un declaracion.
Pero otro expertonan di nutricion a critica otro elementonan di e guianan nobo incluyendo e respaldo pa carni cora y
productonan di lechi cu full e vet. Marion Nestle, un ex-profesor di nutricion na New York University, a bisa cu e sugerencia pa
come mas proteina “no tin sentido” el a
indica cu Mericanonan ya caba ta consumi suficiente.
Excepto pa e excelente conseho pa reduci consumo di cuminda altamente procesa, cual no tabata particularmente prevalente e tempo ey, e guianan aki ta hiba nos bek na e dietanan di añanan cincuenta, ora tur hende tabata come hopi carni y lechi y no tabata preocupa hopi pa berdura, y malesa di curason tabata masha comun,” el a bisa.
American Heart Association a bisa den un declaracion cu nan ta duna bon bini na varios recomendacion, manera e enfasis riba come mas berdura, fruta y granonan integral.
Pero nan a agrega: ‘Nos ta preocupa cu e recomendacionnan tocante condimentonan cu salo y consumo di carni cora por hiba consumidornan, sin kier, na surpasa e limitenan recomenda pa sodio y vet satura, cual ta e causantenan principal di malesa cardiovascular.
Durante su campaña, Kennedy a priminti di combati obesidad y malesanan cronico, uno di su preocupacionnan mas grandi. Desde cu el a asumi cargo, el a purba limita e uzo di colorantenan artificial den cuminda, mientras tambe el a haci cambionan grandi den e politica di vacuna di Estados Unidos cu a lanta alarma cerca expertonan di salud.
