E Administracion Federal di Aviacion (FAA) di Merca diabierna a atverti aerolineanan grandi tocante un “situacion potencialmente peligroso” ora di bula riba Venezuela y a urgi nan pa eherce cautela.
E aviso di FAA a cita e “situacion di seguridad cu ta empeorando y actividad militar aumenta den of rond di Venezuela” y a bisa cu menasanan por representa riesgo pa avionnan na tur altura.
E anuncio ta bin memey di un acumulacion militar masivo den e region, incluyendo e portaavion mas grandi di Marina di Merca, por lo menos ocho otro barco di guerra, y avionnan F-35.
Vuelonan directo pa Venezuela di transportadornan di pasahero of carga di Merca ta suspendi desde 2019, pero algun aerolinea mericano ta bula riba e pais pa algun vuelo pa Sur America.
FAA a bisa cu e lo sigui monitoria e ambiente di riesgo pa aviacion civil mericano cu ta opera den e region.
Source Reuters