E pontifice nobo Papa Leo XIV ta aparece riba e balcon di Basilica di San Pedro na Vaticano, dia 8 di mei 2025. Robert Prevost, escohi pa cardinalnan Catolico di mundo pa sirbi como lider di Iglesia di 1.4 bion miembro, ta e prome Papa Mericano y uno relativamente desconoci riba e escenario mundial.
Prevost, di 69 aña y originalmente di Chicago, a pasa mayoria parti di su carera como misionero na Peru y a bira kardinal te na 2023. E no a duna hopi entrevista na e medionan. Reverendo Mark Francis, amigo di Prevost for di añanan 1970, a bisa Reuters cu e Cardinal tabata un partidario firme di e papado anterior, y specialmente di e compromiso di e pontifice difunto pa cu e problemanan di husticia social.
“E tabata semper amabel y caluroso y a keda un voz di sentido comun y preocupacionnan practico pa acercamento di Iglesia na e pober”, Francisco a bisa, kende a asisti na seminario cu Prevost y despues a topa cu ne ora cu ambos tabata biba na Roma den e decada di 2000.
Source: Reuters