161
Macuarima Santa Cruz – Diamars anochi rond di 8’or pasa polis y tambe ambulance a bay altura di Stadion Nadi Croes/ Crismo Angela unda auto a alcansa un peaton.
Polis a yega y a topa cu un cabayero parti pariba di caminda riba suela. Varios meter mas panort un Nissan Cube cu lo tawata esun cu a dal e. Na e sitio por a scucha cu aparentemente e homber lo a bay crusa caminda.
E cabayero tawata na tino y lo tawata splica kizas kiko a sosode.
Ambulance y tambe polis di trafico a yega y asina a atende cu chauffeur di e Nissan Cube y alabes Paramediconan a atende cu e peaton.
Caminda a wordo cera un parti chikito pa polis haci su investigacion.