Hulanda
Mayoria di incassobureaus na Hulanda no ta tene nan mes na e reglanan, asina Hans Faber hoofdinspecteur van de Inspectie Justitie en Veiligheid a declara den un programa di Radar.
Di e 30 bureau nan cu a ser controla, 28 a resulta di ta viola e Ley di Calidad di Servicionan di Cobransa (Wet kwaliteit incassodienstverlening) , cu ta vigente for di april 2024.
E ley aki ta obliga incassobureaus pa trata hende cu respet, y pa no intimida nan, pa yama nan solamente na oranan estableci, y pa registra nan mes cerca e autoridad di screening di e Ministerio di Husticia y Siguridad.
Di e alrededor di 2500 bureau nan di cobransa na Hulanda, solamente 10% ta registra, hopi menos cu e 500 bureau nan cu nan a spera inicialmente.
Pa de inicio di 2024, a drenta mas 300 melding tocante violacionnan, cu ta varia for di practica intimidatorio te cu cobransa ilegal. E kehonan aki ta aumenta e chance pa un bishita di inspectie. Agencia of companianan cu ta viola e reglanan ta risca multanan, un stopmento forsa di nan actividadnan of cu ta kita nan licencia.
” Inspectie Justitie en Veiligheid ta haci un yamada pa mas melding pa mehora e cumplimento di ley y pa atende cu practicanan fraudulento.”