BRIGHTON, Mich. (AP) — Ed Bambas pronto lo scan su ultimo bleki di maishi.
E trahado di 88 aña di un supermercado na Michigan a ricibi un check gigante di $1.7 miyon diabierna, resultado di un campaña di recaudacion di fondo remarcabel, organisa pa un hoben australiano cu un cantidad extraordinario di followers riba rednan social.
“No, no,” Bambas a bisa, secando lagrima y emociona dilanti di reporteronan. “Danki. Ay Dios mio.”
Sam Weidenhofer, di 22 aña, ta usando su plataformanan poderoso pa plama bondad — y placa — durante un bishita na Merca.
El a topa Bambas na un tienda Meijer na Brighton, den zuidoost di Michigan, mas o menos dos siman pasa y a graba un video di TikTok pa su 7.7 miyon follower nan. Den e video, e pensionado di General Motors a splica dicon e ta traha ainda mientras e ta yegando 90 aña, despues di fayecimento di su casa, Joan, tras di un enfermedad cronico na 2018.
“Mi no tin suficiente entrada,” Bambas a bisa den e video.
Weidenhofer, na su turno, a lansa un campaña online via GoFundMe, urgiendo hende pa yuda Bambas.
“Su storia ta un recordatorio fuerte cu hopi di nos grandinan, specialmente veteranonan, ta enfrenta desafionan increibel djis pa sobrevivi” Weidenhofer, kende ta di Melbourne, Australia, y tin mas cu 10 miyon followers riba diferente rednan social, a bisa.
E reaccion tabata impresionante: Mas cu 15,000 hende a contribui cu donacionnan variando di $10 pa $10,000.
“E ta nifica un carga teribel,” Bambas a bisa reporteronan na mofa. “Mi tin cu haña tur hende y bisa nan, ‘danki’.”
El a bisa cu el a cuminsa traha na Meijer, un tienda grandi cu comestibles, paña y otro articulonan, na edad di 82 aña.
“Mi ta papia cu tur hende cu pasa den mi liña di caha pasobra e la yudami pa no bira desanima cu su perdida (di su casa). Mi a duna nan un pida di mi storia di bida,” Bambas a bisa.
Lexi Wallace, di 26 aña, kende tabata un cliente regular prome cu el a muda, a bay riba e pagina di Facebook di Weidenhofer y a urgi pa busca Bambas.
“Mi a pensa cu su nomber tabata Bob. Nunca el a coregi mi,” Wallace a bisa. “Mi tabata stima bay Meijer pa mir’e.”
Weidenhofer a bisa vu Bambas lo por paga $225,000 den debe cu e regalo inespera aki. Con e ta gasta e resto di e placa ta completamente na dje.
“E ta sinti manera un soño,” Weidenhofer a bisa.
Bambas kier biaha pa bishita su ruman homber y cuminsa hunga golf atrobe. Pa loke ta trata trabou, e no ta kita su puesto di cajero mesora.
“Probablemente lo mi traha un luna of dos mas y despues stop,” el a bisa.
Source: AP