WASHINGTON (AP) — E presidente di Kennedy Center diabierna a critica fuertemente e decision diripiente di un musico pa cancela un presentacion di Christmas Eve na e luga, algun dia despues cu Cas Blanco a anuncia cu lo agrega nomber di Presidente Donald Trump na e edificio.
“Bo decision pa retira na e ultimo momento — explicitamente como respuesta na e renombramento reciente di e Centro, cual ta honra e esfuersonan extraordinario di Presidente Trump pa salba e tesoro nacional aki — ta intolerancia clasico y hopi costo pa un institucion di Arte sin fin di lucro,” e presidente di e sitio, Richard Grenell, a skirbi den un carta pa e musico Chuck Redd cu a wordo comparti cu The Associated Press.
Den e carta, Grenell a bisa cu e lo busca 1 miyon dollar den daño y perhuicio “pa e stunt politico aki.”
Redd no a responde inmediatamente na un pedido pa comentario.
Un drummer y vibrafon player, Redd a precidi e “Jazz Jams” di dianan di fiesta na Kennedy Center for di 2006, siguiendo e bajista William “Keter” Betts. Den un email diaranson na The Associated Press, Redd a bisa cu el a retira for di e concierto despues di e cambio di nomber.
“Ora mi a mira e cambio di nomber riba e website di Kennedy Center y despues algun ora mas laat riba e edificio, mi a scoge pa cancela nos concierto,” Redd a bisa. El a agrega diaranson cu e evento tabata un “tradicion di fiesta hopi popular” y cu hopi biaha e tabata inclui por lo menos un studiante di musica.
“Un di e hopi motibonan pakico tabata hopi tristo di mester a cancela,” el a bisa AP.
President John F. Kennedy a wordo asesina na 1963, y Congreso a pasa un ley e siguiente aña nombrando e centro como un memorial bibo na su memoria.
Grenell ta un aliado di Trump kende e presidente a scoge pa encabesa Kennedy Center despues cu el a forsa e leiding anterior pa retira. Segun White House, e hunta cu Trump mes a scoge a aproba e cambio di nomber, cual academiconan a bisa ta viola ley. Kerry Kennedy, sobrina di Kennedy, a priminti di kita e nomber di Trump for di e edificio ora e bandona su puesto, y e anterior historiador di House, Ray Smock, ta entre esnan cu ta bisa cu cualkier cambio mester wordo aproba pa Congreso.
E ley ta prohibi explicitamente pa e hunta di supervision haci e centro un memorial pa cualkier otro persona, y tambe pa pone nomber di un otro persona na e parti pafo di e edificio.