WASHINGTON (AP) — Joe Kent, e director di e Centro Nacional di Anti-terorismo, a anuncia su renuncia diamars, citando su preocupacionnan tocante e hustificacion pa e atakenan militar na Iran y bisando cu e “no por, cu un consenshi limpi,” apoya e guera di e administracion di Trump.
Kent a bisa riba social media cu Iran “no tabata forma ningun amenaza inminente pa nos nacion, y ta keda cla cu nos a cuminsa e guera aki pa motibo di presion for di Israel y su lobby Mericano poderoso.”
Kent, un ex-candidato politico cu conexionnan cu extremistanan di e hala drechi, a wordo confirma den su puesto juli ultimo cu un voto di 52-44. Como cabesante di e Centro Nacional di Anti-terorismo, e tabata encarga cu un agencia cu tin e tarea di analiza y detecta amenazanan terorista. Su renuncia ta refleha e inkietud den e base di Trump tocante e guera y ta mustra cu e cuestionnan tocante e hustificacion pa e uzo di forsa na Iran ta extende te na e banda drechi di e base di Presidente Donald Trump y na miembronan halto di e administracion.
Trump a ofrece cambionan pa e motibo pa e atakenan y a nenga e afirmacionnan cu Israel a forsa Merca pa actua. Mas trempan e luna aki, e Vocero di Cas di Representante Mike Johnson (Republicano di Louisiana), a sugeri cu White House tabata kere cu Israel tabata determina pa actua riba su mes, locual a laga e presidente Republicano cu un “decision hopi dificil.”
Un vocero pa e Director di Inteligencia Nacional Tulsi Gabbard no a responde inmediatamente na preguntanan tocante e renuncia di Kent. White House tambe no tabatin ningun comentario inmediato riba e renuncia di Kent.
Prome cu a drenta e administracion di Trump, Kent a core dos campaña sin exito pa Congreso den e estado di Washington. Tambe el a sirbi como militar, unda el a wordo participa 11 biaha como un Green Beret, sigui pa trabou na CIA.
Democratanan a opone fuertemente e confirmacion di Kent, señalando su lasonan den pasado cu figuranan di extremo-drechi y teorianan di conspiracion. Durante su campaña pa Congreso na 2022, Kent a paga Graham Jorgensen, un miembro di e grupo militar di extremo-drechi e Proud Boys, como consultant. Tambe el a traha den estrecho cu Joey Gibson, e fundador di e grupo nacionalista Cristian Patriot Prayer, y a atrae apoyo for di un variedad di figuranan di extremo-drechi.
Durante su audiencia di confirmacion den Senado, Kent tambe a nenga di distancia su mes for di un teoria di conspiracion cu agentenan federal a instiga e atake di 6 di januari 2021 na e Capitolio, como tambe e afirmacionnan falso cu Trump a gana e eleccion di 2020 riba e Democrata Joe Biden.
Democratanan a cuestiona Kent severamente riba su participacion den un grupo di chat riba Signal cu tabata wordo uza door di e ekipo di seguridad nacional di Trump pa
Asina mes, Republicanonan a alaba e calificacionnan di anti-terorismo di Kent, señalando su experiencia militar y di inteligencia.
Senador Tom Cotton, e presidente Republicano di e comite di inteligencia, a bisa den un discurso riba e podium di Senado cu Kent a “dedica su carera na combati terorismo y mantene Mericanonan safe.”