Dos persona herida den accidente na Cadushi Largo

Cadushi Largo – Sero Compa

Diabierna anochi pasa di 10’or a sosode un accidente cu basta daño material y hende herida na crusada di Cadushi Largo cu Sero Compa.

Polis di Santa Cruz a presenta y ta constata 2 hende herida, un dama y un mucha.

E dos autonan envolvi tawata un Ford Figo y un Hyundai Accent.
Na stuur di e Ford tawata un dama Hulandes stagiair y e mucha tawata den e Accent.

Dos ambulance tawata necesario, aunke cu ambos persona tanto e mucha y e dama tawata levemente herida.

Falta di preferencia tawata motibo di e accidente di trafico aki.