Esaki ta mustra cu pa 15,000 aña pasa, cachonan y ser humano tabatin caba un relacion increiblemente fuerte y cerca – y e pida chikito di kaak aki, cu por parce algo insignificante, a yuda habri henter e historia humano di con e asociacion ey a cuminsa.
Un pida fragmento di un kaak cu a wordo haya den un grot na Somerset, Reino Uni, a revela cu cacho a bira e miho amigo di hende 15,000 aña pasa.
Analisis di DNA ta mustra cu e kaak aki tabata pertenece na un di e prome cachonan domestico conoci y cu hende tabata biba hopi cerca di nan na Gran Bretaña, miles di aña prome cu animalnan di cria a wordo domestica of prome cu pushinan a drenta den nos hogarnan.
E descubrimento aki ta hala e tempo cu e prome cachonan a evoluciona for di nan antepasadonan wolf, mas atras cu rond di 5,000 aña.
Esaki tambe ta sugeri cu e amistad entre e prome cachonan mes y e ser humano di e era di piedra tabata t’ey casi for di principio, segun Dr. William Marsh di e Natural History Museum.