Hulanda
Polis y Douane a haya un lote grandi di cocaina dialuna 12 di januari den un carga di pisca gevries. E container cu e pisca tabata procedente di Surinam. Tabata trata di un total di 319 kilo di cocaina.
Dialuna ultimo a drenta un tip cu probablemente tabata tin droga scondi den e piscanan congela. Rechercheurs di e Eenheid Landelijke Opsporing en Interventies en Eenheid Landelijke Expertise en Operaties a haya e container na un compania na Barneveld.
Zaag
Inicialmente Douane no a mira droga riba un prome scan di e cargamento di pisca. Sinembargo, no tabata tin un splicacion logico pa e iregularidadnan riba e scan, pa cual a scan e piscanan uno pa uno manualmente. A resulta cu den un parti di e carga di pisca por a mira un substancia straño. A zaag e piscanan, cu tabata gevries ainda y cu tabata mustra e imagen straño, habri, y a resulta cu tabata tin paketenan di cocaina scondi aden. En total tabata trata di mas di 300 kilo.
Pa locual ta conoci, e compania na Barneveld ta bisa di no tin nada di haber cu e droga. Polis ta haciendo mas investigacion den e caso aki. Douane a confisca e lote di cocaina y a destrui esaki.